لاہور(شوبزڈیسک)اداکارہ ثوبیہ خان عید پر شالیمار تھیٹر کے ڈرامہ ”ویری گڈ عید“ میں جلوہ گر ہو رہی ہیں۔انہوں نے میڈیا سے گفتگو کرتے ہوئے بتایا کہ وہ اب تماثیل کے بجائے شالیمار میں عید کا ڈرامہ کرینگی اور اس عید کا ڈرامہ انتہائی مزاحیہ اور میوزیکل ہے۔ اس کی ریہرسل جاری ہے ۔ میرے ساتھ اس کھیل میں سنہری خان‘وردہ خان‘ سونیا سیٹھی ‘ انیشا‘شیزا بٹ اور بہت سے دیگر سٹار شامل ہیں۔ڈرامہ کے ڈائریکٹر اور رائٹر ڈاکٹر اجمل ملک ہیں جبکہ پروڈیوسر ملک علی طارق اور ملک حسن طارق ہیں۔ثوبیہ نے کہا کہ میں اس بات پر مکمل یقین رکھتی ہوں کہ انسان جو بوتا ہے وہی کاٹتا ہے میں نے اپنی زندگی میں جو بھی دل و دماغ میں آیا اس کو ٹھان کر محنت کی جس کی وجہ سے مجھے خدانے عزت و شہرت اور مقام دیا۔ میرا ظاہر اور باطن ایک ہے۔
جو بات دل میں ہوتی ہے وہ بیان کرنے سے گریز نہیں کرتی۔
