لاہور:(ویبڈیسک)پنجاب سپورٹس بورڈ میں کروڑوں روپے کی کرپشن کے کیس میں اہم پیش رفت۔سپورٹس بورڈ کے2 ڈپٹی ڈائریکٹرز سمیت پانچ ملزمان کرپشن کے الزام میں گرفتار۔ڈپٹی ڈائریکٹر و ممبر پروکیورمنٹ کمیٹی ملزم طارق مقصود اور ممبر فائنینس ڈپٹی ڈائریکٹر ولائیت شاہ گرفتار ملزمان میں شامل۔گینیز بک آف ورلڈ ریکارڈ کا جعلی نمائندہ ملزم سید وسیم کو بھی مبینہ بدعنوانی کے الزامات میں گرفتار کیا گیا ہے۔دیگر ملزمان میں کنٹریکٹر احسان الحق اور کنٹریکٹر محمد عمران شامل ۔ملزمان نے آپس کی ملی بھگت سے پنجاب حکومت کیجانب سے 2013 اور 2014 میں منعقدہ یوتھ فیسٹیولز میں غیرقانونی ٹھیکوں کی مد میں مبینہ طور پر 27 کروڑ سے زائد مالیت کی کرپشن کی ۔سابق ڈی جی سپورٹس بورڈ ملزم عثمان انور بطور مرکزی ملزم پہلے ہی نیب لاہور کی حراست میں ہیں جن سے تحقیقات جاری ہیں۔ پنجاب سپورٹس بورڈ کے زیر انتظام یوتھ فیسٹیولز میں مبینہ کرپشن پر جاری تحقیقات میں دیگر شریک ملزمان کے ملوث ہونیکے شواہد حاصل ہو رہے ہیں۔نیب حکام تمام گرفتار ملزمان کو جسمانی ریمانڈ کے حصول کیلئے آج احتساب عدالت کے روبرو پیش کرینگے
