تہران : ایران نےدوبارہ انٹرپول سے امریکی صدرڈونلڈٹرمپ کی گرفتاری کا مطالبہ کردیا۔
عرب میڈیا کے مطابق ایران نےدوبارہ انٹرپول سے امریکی صدرڈونلڈٹرمپ سمیت 48 امریکی افسران کی گرفتاری کا مطالبہ کردیا ہے،ایران نے امریکی صدر سمیت 48 افراد کے ریڈ وارنٹ جاری کرنے کیلئے انٹر پول کو درخواست جمع کروادی ہے۔ترجمان برائے ایرانی جیوڈیشری کا کہنا ہے کہ پاسدارانِ انقلاب میجر جنرل قاسم سلیمانی کو قتل کرنیوالوں کو سزا دینے کیلئے سنجیدہ ہے۔
واضح رہے کہ ایران نے گزشتہ برس جنوری میں بغداد ایئرپورٹ پر حملے میں ملک کی سب سے اہم اور طاقتور قدس فورس کے سربراہ جنرل قاسم سلیمانی کی ہلاکت کا ذمہ دار امریکی صدر ڈونلڈ ٹرمپ اور 47 دیگر حکام کو قرار دیا تھا۔ایران نے انٹرپول سے ان افراد کے ریڈ وارنٹ جاری کرنے کی درخواست کی تھی جس پر کوئی کارروائی نہیں ہوئی تھی۔
