لاہور: (ویب ڈیسک) مائیکرو فنانس بینک نے پاکستان میں فیملی کےلئے نئے ملازمتی فوائد متعارف کرادیئے
GDIBایوارڈ جیتنے کے حالیہ اعلان کے بعد ملک معروف مائیکرو فنانس بینک،FINCA مائیکرو فنانس بینک لمیٹڈ پاکستان نے پاکستا ن میں اپنی ٹیم کےلئے نئے فوائد اور پالیسیوں کا اعلان کیا ہے۔
صحت و حفاظت:کوویڈ19کے موجودہ منظر نامے میں اپنے ملازمین کی صحت و حفاظت کو ترجیح دیتے ہوئے،FINCAنے ہیڈ آفس میں اپنے عملہ کےلئے ایک ہائبرڈ ورکنگ پالیسی متعارف کرائی ہے ۔نئے پروگرام کے مطابق ملازمین کو اپنے منیجرز سے منظوری کے بعد گھر سے چار روز تک کام کرنے کی اجازت ہوگی،اس کے علاوہ FINCAکے ملازمین اپنے والدین کےلئے کم شرح پر میڈیکل انشورنس حاصل کرسکیںگے،محض 1000روپے کے پریمئم کی ادائیگی کے عوض والدین کو اسپتال میں داخل ہونے کی صورت میں ڈھائی لاکھ روپے کی کوریج حاصل ہوگی۔
مالی بہبود:FINCAنے کام کےلئے محفوظ ماحول کی فراہمی کے علاوہ اپنے خاندان کی مالی بہبود یقینی بنانے کےلئے ،اپنے ملازمین کےلئے قرض کی متعدد نئی سہولیات متعارف کرائی ہیں،تمام ملازمین رعایتی شرح پرچھ ماہ کی مجموعی تنخواہ کے مساوی(زیادہ سے زیادہ 30لاکھ روپے) کا قرض حاصل کرسکیںگے جو کہ ایک تا تین سال کی مدت کے دوران قابل ادائیگی ہوگا،اس کے علاوہ ملازمین کو اپنے مستقبل کے پراویڈنٹ فنڈ کو آج ذاتی قرض میںتبدیل کرنے کا اختیار بھی حاصل ہوگا،ملازمین 30لاکھ تک کی اس سہولت سے استفادہ کرسکیںگے اور بینک کو رعایتی نرخوںپر ادائیگی کرسکیں گے
خواتین عملہ کےلئے نقل و حرکت کی سہولت:ادارے کے اندر اور باہر ایک زیادہ متنوع خاندان کو فروغ دینا،پاکستان میں FINCA ڈی این اے کا ایک لازمی حصہ رہا ہے،FINCA اپنی خواتین اسٹاف کےلئے اب تین ماہ تک کی ادائیگی کے ساتھ زچگی کی چھٹیوںکی سہولت فراہم کرتا ہے ،جو بینک میںملازمت کی مدت کے دوران دو بار حاصل کی جاسکتی ہیں۔FINCA نے اپنی خواتین اسٹاف کےلئے سبسڈی والے اسکوٹر بھی متعارف کرائے ہیں،جس کے مطابق عملہ کی خواتین اراکین اسکوٹر کی قیمت کا نصف ادا کرکے اس کی مالک بن سکتی ہیں اور بقیہ رقم دو سالوںمیں آسان اقساط میںادا کرسکتی ہیں۔
ملازمین کے مستقبل میں سرمایہ کاری:FINCAملک کے سرکردہ کمرشل بینکوںکے تعاون سے اپنے ملازمین کو آسان ہوم لونز فراہم کرے گا، اس اقدام کے ذریعے ملازمین اپنی موجودہ تنخواہوںکی حد کے مطابق اپنے خوابوں کے گھر کی تعمیر/تزئین و آرائش کےلئے قرض حاصل کرسکیں گے اور بینک کو رعایتی شرح پر واپس کرسکیںگے۔
FINCAمائیکرو فنانس بینک نے پاکستان میں FINCAفیملی کےلئے نئے ملازمتی فوائد متعارف کرادیئے
