ذاتی طور پر آئٹم سانگ کرنے کی شوقین نہیں

کراچی(شوبز ڈیسک)اداکارہ و ماڈل سوہائے علی ابڑو نے کہا یہ کہنا درست نہیں کہ فلم جوانی پھر نہیں آنی کے بعد چھوٹی سکرین کو چھوڑ دیا ہے ، ٹی وی سے پہچان ملی ہے ،اس میڈیم کو کبھی نہیں چھوڑ سکتی بہر حال میرے چاہنے والے بہت جلد نئی ڈرامہ سیریل میں اہم کردار میں دیکھیں گے جس میں میرے ساتھ دردانہ بٹ، اظفر رحمن ، سلیم شیخ،عائشہ خان، قاضی واجد ، ثمینہ احمد و دیگر شامل ہیں،ان خیالات کا اظہار انہوں نے گزشتہ روز کیا۔ ان کا کہنا تھا دو فلموں میں آئٹم نمبر کرنے پر تنقید کرنیوالوں کا برا نہیں منایا ، اگر میرے آئٹم نمبر کسی کو برے لگتے ہیں تو وہ انہیں نہ دیکھے تاہم اتنا ضرور کہوں گی کہ رانگ نمبر میں میرا جو گانا ہے اسے کسی طرح بھی آئٹم نمبر نہیں سمجھتی کیونکہ یہ اس کیٹیگری میں نہیں آتا ،مستقبل میں آئٹم نمبرکرنے کے سوال پر ان کا کہنا تھا اس حوالے سے کچھ کہنا قبل ازوقت ہوگا ذاتی طور پر آئٹم نمبر کی شوقین نہیں ،میں نہیں چاہتی کہ میرا امیج ایک آئٹم نمبر گرل کے طور پر بنے بلکہ ایک فلمسٹار کے طور پر اپنی شناخت بنانا چاہتی ہوں۔