لاہور(کلچرل رپورٹر)اداکارہ ارمینا خان کی برٹش فلم کی شوٹنگ لندن میں شروع ہوگئی ہے جسے مکمل کرانے کے بعدوہ دوبارہ پاکستان آئیں گی ۔اس بارے میں ارمینا خان نے بتایا کہ یہ برٹش فلم میں نے کافی عرصہ پہلے سائن کی تھی لیکن اس کی شوٹنگ اب شروع ہوئی ہے لیکن ابھی اس بارے میں تفصیلات نہیں بتاسکتی۔ایک سوال کے جواب میں انہوں نے بتایا کہ فلم کی تکمیل کے بعد دوبارہ پاکستان آﺅں گی جہاں ایک نیا پراجیکٹ شروع ہوگا۔ارمیناخان نے مزیدبتایا کہ کچھ عرصہ قبل میں نے لاہورمیں ڈرامہ سیریل”رسم دنیا“میں کام کیا تھا جو گزشتہ دنوں آن ایئرہوگیا جس کا رسپانس بہت اچھاملا ہے ۔ ایکٹنگ کے ساتھ ساتھ میں ذاتی فلم بھی کام کررہی ہوں جس کی تفصیلات جلد منظرعام پرلاﺅں گی۔
