اسلام آباد (ویب ڈیسک)پاکستان کے نو منتخب وزیراعظم عمران خان کی وفاقی کابینہ کی حلف برداری کی تقریب اسلام آباد میں ہوئی جس میں صدر پاکستان ممنون حسین نے 16رکنی کابینہ سے ان کے عہدوں کا حلف لیا۔تقریب میں وزیراعظم عمران خان سمیت حکمراں جماعت تحریک انصاف اور اسی کی اتحادی جماعتوں کے رہنما موجود تھے۔خیال رہے کہ دو روز قبل پاکستان تحریک انصاف کے چیئرمین اور وزیراعظم عمران خان نے 16 وزرا اور پانچ مشیروں پر مشتمل 21 رکنی وفاقی کابینہ کی منظور دے دی تھی۔پاکستان تحریک انصاف کے ترجمان فواد چوہدری کا نام وزیر برائے اطلاعات و نشریات کے طور پر منظور کیا گیا ہے اور انھوں نے 20 رکنی کابینہ کے ناموں کا اعلان ٹوئٹر پر کیا تھا۔منظور کردہ کابینہ کے مطابق شاہ محمود قریشی وزارت خارجہ کا قلمدان سنھالیں گے تاہم وزیرِ داخلہ کے نام کا اعلان نہیں کیا گیا۔خیبر پختونخوا کے سابق وزیراعلیٰ پرویز خٹک کو وزیر دفاع کا قلمدان دیا گیا ہے۔وزیراعظم عمران خان نے وفاقی کابینہ میں اتحادی جماعتوں کو بھی شامل کیا ہے اور ان کو چھ اہم وزارتیں سونپی ہیں۔متحدہ قومی موومنٹ پاکستان کو دو وزارتیں دی گئی ہیں، وزارت قانون اور انفارمیشن ٹیکنالوجی کی وزارت۔عوامی مسلم لیگ کے سربراہ شیخ رشید کو ریلوے کی وزارت کا قلمدان سونپا گیا ہے۔سابق سپیکر قومی اسمبلی اور گرینڈ ڈیموکریٹک الائنس کی رہنما ڈاکٹر فہمیدہ مرزا کو وزیر برائے بین الصوبائی رابطہ، جبکہ بلوچستان عوامی پارٹی کی رکن اسمبلی زبیدہ جلال کو دفاعی پیداوار کی وزارت دینے کی منظوری دی گئی۔بہاولپور کے حلقے این اے 172 سے منتخب ہونے والے پاکستان مسلم لیگ ق کے چوہدری طارق بشیر چیمہ کو ریاستی و سرحدی امور کی وزارت سونپی گئی ہے۔

لاہور(ویب ڈیسک)چیف جسٹس پاکستان جسٹس میاں ثاقب نثار نے چیئرمین قومی احتساب بیورو (نیب) جاوید اقبال کو پیر کو اپنے چیمبر میں طلب کرلیا۔سپریم کورٹ لاہور رجسٹری میں نیب میں زیر انکوائری کیسز میں نامزد افراد کے نام میڈیا پر آنے کے معاملے کی سماعت کے دوران چیف جسٹس نے ریمارکس دیے کہ عدالت میں جرم ثابت ہوئے بغیر نیب کیسےکسی کو مجرم کہہ سکتا ہے، لوگوں کی پگڑیاں اچھالنا نیب کا کوئی حق نہیں، ہر آدمی کو چور سمجھ کر پگڑیاں نہ اچھالی جائیں۔چیف جسٹس نے کہا کہ کوئی انکوائری میں بےگناہ ثابت ہوجاتا ہے تو اس کی معاشرے میں کیا عزت رہ جائے گی، کیا نیب چاہتا ہے کہ بیرون ملک سے آنے والا سرمایہ کار خوف سے بھاگ جائے۔اس موقع پر جسٹس اعجاز الاحسن نے کہا کہ نوٹس بعد میں ملتا ہے اور ٹی وی پر ٹکرز پہلے چلنا شروع ہوجاتے ہیں، نیب میں بھی کالی بھیڑیں موجود ہیں جس پر کمرہ عدالت میں موجود پراسیکیوٹر جنرل نیب اصغر حیدر نے کہا کہ نیب میں بھی خود احتسابی کا عمل جاری ہے۔چیف جسٹس پاکستان نے ریمارکس دیے کہ کسی کی طلبی کا معاملہ تو خفیہ ہونا چاہیے اور کسی تفتیشی کے بارے میں معلومات کا تبادلہ کرنے کا پتہ چلے تو اس کے خلاف کارروائی کی جائے۔جسٹس میاں ثاقب نثار نے کہا کہ جتنی معلومات چیف جسٹس کے پاس ہیں شاید کسی اور ادارے کے پاس نہیں، پہلے نیب کی عدلیہ میں کوئی عزت نہیں تھی لیکن اب نیب کی عدالتوں میں بھی عزت ہوتی ہے۔چیف جسٹس نے استفسار کیا کہ آپ کے بندےکو نوکری نہیں ملی تو پرائیویٹ بندہ بلا کر بےعزت کررہے ہیں۔چیف جسٹس پاکستان نے چیئرمین نیب جسٹس (ر) جاوید اقبال کو پیر کو اپنے چیمبر میں طلب کرتے ہوئے پراسیکیوٹر جنرل نیب اصغر حیدر کو بھی پیش ہونے کی ہدایت کی۔

اسلام آباد(ویب ڈیسک)وزیر اطلاعات و نشریات فواد چودھری نے کہا ہے کہ کابینہ اجلاس میں فیصلہ کیا گیا ہے کہ نوازشریف اورمریم نوازکانام ای سی ایل میں ڈالاجائےگا،ان کا کہناتھا کہ اسحاق ڈار، حسن اور حسین مفرور ہیں،اسحاق ڈار و دیگر قانون کے سامنے پیش ہوں اور مقدمات کاسامناکریں،ان کا کہناتھا کہ حسن اورحسین نوازکوواپس لانے کیلئے اقدامات کریں گے،پریس کانفرنس کے دوران صحافی نے کہا کہ ”بلاشبہ وزیراعظم کے خطاب بہت اچھا تھا کیا آپ اپنے دعوﺅں پر عمل کر پائیں گے“ کے جواب میں فواد چودھری نے کہا کہ آپ بھی یہاں ہیں اور ہم بھی یہاں ہیں آپ دیکھ لیں گے ،عوام کی سہولت کیلئے پالیسی پر عملد رآمد کرائیں گے۔

اسلام آباد (ویب ڈیسک) وزیراعظم عمران خان نے تمام وزراءکے بیرون ملک دوروں اور علاج پر پابندی عائد کرتے ہوئے خود بھی اگلے تین مہینے تک کوئی بھی غیر ملکی دورہ نہ کرنے کافیصلہ کیا ہے۔وزیراعظم کی زیر صدارت وفاقی کابینہ کا اجلاس ہوا جس میں تمام وزراء کے سرکاری خرچ پر بیرون ملک علاج اور بیرون ملک دوروں پر پابندی عائد کر دی گئی۔ وفاقی وزیر اطلاعات فواد چوہدری نے اجلاس کے بعد پریس کانفرنس کرتے ہوئے بتایا کہ وزیراعظم عمران خان نے خود بھی اگلے تین مہینے تک کوئی بھی غیر ملکی دورہ نہ کرنے کا فیصلہ کیا ہے البتہ اگر کوئی مجبوری ہوئی یا کسی ملک کا دورہ کرنا ضروری ہوا تو وہ جائیں گے۔

اسلام آباد(ویب ڈیسک)ایفی ڈرین کیس میں اڈیالہ جیل میں عمر قید کے مجرم حنیف عباسی کی طبیعت بگڑ گئی جس کے بعد انہیں راولپنڈی انسٹیٹیوٹ آف کارڈیالوجی منقتل کردیا۔اس حوالے سے بتایا گیا کہ سابق رکن قومی اسمبلی کو دل کی تکلیف کے باعث اسپتال منتقل کردیا گیا۔واضح رہے کہ راولپنڈی کی انسداد منشیات عدالت نے مسلم لیگ (ن) کے رہنما حنیف عباسی کو ایفی ڈرین کیس میں عمر قید کی سزا جبکہ دیگر 7 ملزمان کو عدم ثبوت کی بنا پر شک کا فائدہ دے کر بری کردیا تھا۔حنیف عباسی کو انتخابی سیاست کے لیے تاحیات نااہل بھی قرار دیا گیا تھا۔جیل ذرائع کے مطابق جیل اسپتال میں حنیف عباسی کا علاج ممکن نہیں تھا۔واضح رہے کہ اس سے قبل بھی مسلم لیگ (ن) کے رہنما کو تکلیف ہونے پر جیل اسپتال منتقل کیا گیا تھا۔اس ضمن میں بتایا گیا کہ حنیف عباسی کا امراض قلب اسپتال میں چیک اپ جاری ہے۔پاکستان مسلم لیگ (ن) کے رہنما حنیف عباسی سمیت دیگر ملزمان پر جولائی 2012 میں 5 سو کلو گرام ایفی ڈرین حاصل کرنے کا کیس دائر کیا گیا تھا۔مذکورہ مقدمے میں حنیف عباسی کے علاوہ غضنفر، احمد بلال، عبدالباسط، ناصر خان، سراج عباسی، نزاکت اور محسن خورشید نامی شخصیات شامل ہیں۔ایفی ڈرین کوٹہ کیس میں دورانِ سماعت 5 ججز تبدیل ہوئے جبکہ 36 گواہان نے اپنی شہادتیں قلمبند کرائیں۔ملزمان پر الزام تھا کہ انہوں نے ایفی ڈرین کا غلط استعمال کرتے ہوئے منشیاات اسمگلروں کو فروخت کیں۔ایفی ڈرین کوٹہ کیس میں اینٹی نارکوٹکس فورس (اے این ایف) نے حنیف عباسی سمیت دیگر ملزمان پر نائن سی ایکٹ کے تحت مقدمہ نمبر 41 درج کیا تھا۔

لاہور(ویب ڈیسک)قومی احتساب بیورو(نیب) کی جانب سے سابق وزیر اعلیٰ پنجاب اور پاکستان مسلم لیگ(ن) کے صدر شہباز شریف کو تین کرپشن کیسز میں ملوث ہونے پر طلب کیے جانے پر نیب لاہور میں پیش ہوگئے۔ نیب کی جانب سے شہباز شریف کے خلاف آشیانہ اقبال ہاو¿سنگ اسکیم، پنجاب پاور ڈیولپمنٹ کمپنی (پی پی ڈی سی) اور پوٹ ایبل واٹر پراجیکٹ سے متعلق کرپشن کیسز میں کی تحقیقات کر رہا ہے۔خیال رہے کہ شہباز شریف کو ہدایت دی گئی تھی کہ آشیانہ اقبال ہاو¿سنگ اسکیم میں نیب کی تحقیقاتی ٹیم کے سامنے صبح 11 جبکہ پی پی ڈی سی کیس میں دوپہر 2 بجے تک پیش ہوں، تاہم وہ تھوڑی تاخیر سے نیب میں پیش ہوئے۔اس سے قبل مسلم لیگ(ن) کے صدر 3 مرتبہ نیب کی تحقیقاتی ٹیم کے سامنے پیش ہوئے تھے اور اپنا بیان ریکارڈ کرایا تھا۔گزشتہ پیشی پر شہباز شریف نے نیب سے درخواست کی تھی کہ وہ تحقیقات کو آئندہ عام انتخابات تک ملتوی کریں، جس کے بعد نیب کی ٹیم نے انتخابات کے بعد دوبارہ تحقیقات جاری رکھی اور کیسز میں ملوث افراد کو طلب کرنے کا آغاز کیا۔پی پی ڈی سی کیس میں شہباز شریف غیر قانونی تقرریوں سے متعلق الزامات کا سامنا کر رہے ہیں اور نیب کی ٹیم شہباز شریف کی جانب سے دیے گئے جوابات سے مطمئن نہیں ہوئی تھی اور انہوں نے اسے نامکمل اور غیر تسلی بخش قرار دیا تھا۔نیب کی جانب سے جاری نوٹفکیشن میں کہا گیا تھا کہ ’ شہباز شریف ٹھوکر نیاز بیگ نیب ونگ 2 میں پیش ہوں اور نیپرا پنجاب کے رکن سید فرخ علی شاہ کی بطور چیف ایگزیکٹو آفیسر(سی ای او) پی پی ڈی سی ایل تقرری سے متعلق بیان ریکارڈ کرائیں۔اس کے علاوہ ا?شیانہ اقبال ہاو¿سنگ اسکیم کیس میں بھی ان سے سابق وزیر اعظم کے سابق پرنسپل سیکریٹری فواد حسن فواد کی جانب سے کیے جانے والے انکشافات پر سوالات کیے گئے۔خیال رہے کہ فواد حسن فواد کو اختیارات کا غلط استعمال کرتے ہوئے ہاو¿سنگ اسکیم میں غیر قانونی ٹھیکے دینے پر نیب نے گرفتار کیا تھا۔ علاوہ ازیں پنجاب صاف پانی کمپنی میں بھی مبینہ کرپشن کے الزام میں بھی انہیں طلب کیا گیا تھا۔اس سے قبل شہباز شریف اس کیس میں نیب کی مشترکہ تحقیقاتی ٹیم کے سامنے پیش ہوئے تھے اور ان کے سوالات کے جوابات ریکارڈ کرائے تھے۔