کراچی: (ویب ڈیسک) اداکارہ درفشاں کی جانب سے ہوٹل سے جائے نماز چرانے کا انکشاف کیا گیا ہے۔
اداکارہ درفشاں سلیم نے گزشتہ دنوں اداکار میکال ذوالفقار کے ہمراہ سحری ٹرانسمیشن میں بطور مہمان شرکت کی، درفشاں کا اس ٹاک شو سے لیا گیا ایک مختصر سا کلپ سوشل میڈیا پر خوب وائرل ہو رہا ہے جس میں وہ جائے نماز چوری کرنے سے متعلق بتا رہی ہیں۔
در فشاں سلیم نے کہا کہ ‘اْنہوں نے ایک بار ایک بہت معروف ہوٹل سے جائے نماز چرایا تھا، وہ جائے نماز بہت مخملی تھا اور اْنہیں بہت اچھا لگا تھا لہٰذا انہوں نے وہ چرا لیا تھا۔اس پر میکال ذوالفقار نے ہنستے ہوئے در فشاں سے پوچھا کہ کیا آپ کو شرم نہیں آئی آپ نے جائے نماز ہی چرا لیا؟۔جس پر در فشاں نے مزید کہا کہ ‘اْن کے خیال میں جائے نماز چرانے پر انہیں گناہ نہیں ہوگا، شاید اللّٰہ اْن سے جائے نماز چرانے کا حساب تک نہ لے کیوں کہ وہ اْس پر نماز پڑھیں گی۔
