برمنگھم(ویب ڈیسک)انگلینڈ نے آسٹریلیا کو دھول چٹا دیانگلینڈ کی ٹیم 27 سال بعد فائنل میں پہنچ گئی؛سیمی فائنل میں آسٹریلیا کو 8وکٹوں سے شکست انگلینڈ کی ٹیم اس پورے میچ میں آسٹریلیا پر اس قدر حاوی رہی ہے کہ اب ان کو جیت کے لیے 23 اوورز میں صرف 38 رنز اور چاہیے جو کہ فی اوور دو رن سے بھی کم کی اوسط ہے۔
دونوں اوپنرز کے آﺅٹ ہونے کے بعد اب کپتان اوئن مورگن اور جو رووٹ بیٹنگ کریز پر موجود ہیں اور ان کی کوشش ہوگی کہ آسٹریلوی دباﺅ کو قابو میں رکھیں اور اب جب جیت ان کے بہت قریب ہیں، وہ اس ایڈوانٹج کو نہ کھو دیں۔گذشتہ تین اوورز میں انگلینڈ نے 18 گیندوں پر 11 رنز بنائے ہیں جبکہ اس سے قبل پانچ اوورز میں انھوں نے 65 رنز حاصل کیے تھے۔انگلینڈ کے اوپنرز نے دباﺅ میں آنے کی بجائے پر اعتماد انداز اپنایا ہے۔ پہلے دس اوورز میں چوکوں اور ایک چھکے کی مدد سے 50 رنز مکمل کر لیے ہیں۔
کرکٹ ورلڈکپ 2019 کے دوسرے سیمی فائنل میں دفاعی چیمپئن آسٹریلیا نے انگلینڈ کو جیتنے کے لیے 224 رنز کا ہدف دیا ہے۔برمنگھم کے ایجبسٹن گراﺅنڈ میں کھیلے جارہے میچ میں آسٹریلوی کپتان نے ٹاس جیت کر پہلے بیٹنگ کا فیصلہ کیا۔اننگز کے آغاز پر قسمت نے آسٹریلیا کا ساتھ نہ دیا اور اس کی پہلی وکٹ 4 کے مجموعے پر گری اور فنچ بغیر کوئی رن بنائے آرچر کی گیند پر پویلین لوٹ گئے، ان کے بعد وارنر 9 کے مجموعے پر واکس کی گیند پر سلپ پر کیچ آﺅٹ ہوگئے۔پیٹر ہینڈسکومب بھی پچ پر ٹک نہ سکے اور 4 رنز بنا کر واکس کی گیند پر پویلین کا ر±خ کرلیا۔چوتھی وکٹ پر کیری اور اسمتھ نے ٹیم کو سہارا دیا اور اسکور کو آگے بڑھایا لیکن 117 کے مجموعے پر کیری 46 رنز بناکر پویلین لوٹ گئے جن کے بعد آنے والے اسٹوینیس بغیر کوئی رن بنائے راشد کی گیند پر ایل بی ڈبلیو ہوگئے۔ورلڈکپ میں آسٹریلیا کو صرف 2 مرتبہ شکست کا سامنا رہا ہے جب کہ انگلش ٹیم کو 3 میچوں میں شکست ہوچکی ہے۔آسٹریلیا کی ٹیم سیمی فائنل میں آٹھویں مرتبہ جگہ بنانے میں کامیاب ہوئی ہے اور اب تک 5 مرتبہ ورلڈ چیمپئن کا ٹائٹل اپنے نام کرچکی ہے۔انگلش ٹیم پانچ مرتبہ سیمی فائنل کے لیے کوالیفائی کرچکی ہے لیکن 1992 کے طویل عرصے کے بعد انگلینڈ ٹیم اب سیمی فائنل میں پہنچی ہے۔دونوں ٹیمیں 1975 میں ہونے والے پہلے ورلڈکپ کے سیمی فائنل میں ایک دوسرے سے مقابلہ کرچکی ہیں جس میں آسٹریلیا نے انگلش ٹیم کو بدترین شکست دی تھی لیکن ویسٹ انڈیز کی ٹیم سے فائنل میں انہیں ناکامی کا سامنا کرنا پڑا۔یاد رہے گزشتہ روز مانچسٹر میں پہلا سیمی فائنل کھیلا گیا جس میں نیوزی لینڈ نے بھارت کو شرمناک شکست دے کر فائنل میں اپنی جگہ بنائی، آج کی فاتح ٹیم 14 جولائی اتوار کو نیوزی لینڈ سے فائنل میچ کھیلے گی۔
