دہلی : (ویب ڈیسک) دہلی پولیس نے سدھو موسے والا کے قتل کا ماسٹر مائنڈ گینگسٹر لارنس بشنوئی کو قرار دے دیا ہے، تاہم بشنوئی نے اس قتل کی ذمہ داری قبول نہیں کی ہے۔
پریس کانفرنس سے خطاب کرتے ہوئے اسپیشل کمشنر آف پولیس کا کہنا تھا کہ پنجابی گلوکار کے قتل کیس میں پولیس نے مزید پانچ شوٹرز کی شناخت کر لی ہے، اور ملزمان کو جلد سے جلد گرفتار کرنے کی کوشش بھی کی جا رہی ہے۔
لارنس بشنوئی ایک سال سے دہلی کی تہاڑ جیل میں سمگلنگ کیس کی وجہ سے قید ہے، جس سے پولیس تفریش کر رہی ہے، اور اسی کا لنک کینیڈا میں مقیم گینگسٹر گولڈی برار سے ملتا ہے جس نے فیس بک پوسٹ کے ذریعے سدھو موسے والے کے قتل کی ذمہ داری قبول کی تھی۔
شبھ دیپ سنگھ سدھو المعروف سدھو موسے والا کو 29 مئی کو قتل کر دیا گیا تھا۔ پولیس رپورٹ کے مطابق انہیں 30 گولیاں لگی تھیں جو ایک آٹو میٹک رائفل سے فائر کی گئی تھیں۔
یاد رہے سدھو موسے والا کی ایک دن قبل ہی حکومت کی جانب سے دی جانے والی سیکیورٹی واپس لی گئی تھی۔ انہیں پنجاب کے ڈسٹرکٹ مان سا میں گولیاں مار کر قتل کیا گیا تھا۔
پنجابی سنگر نے کانگریس کی جانب سے انتخابات میں بھی حصہ لیا تھا لیکن اس میں انہیں کامیابی نہیں ملی تھی۔
سدھو موسے والا کے قتل کا ماسٹر مائنڈ کون؟
