ممبئی(شوبز ڈیسک) بھارتی ہدایتکار سنجے لیلا بھنسالی پر مشتعل افراد کے حملے اور انہیں تشدد کا نشانہ بنائے جانے کے بعد بالی ووڈ کی بڑی شخصیات اب ہندو انتہا پسندی کیخلاف کھل کر بول پڑی ہیں۔ ہدایتکار انوراگ کشیب نے ٹوئٹ میں سنجے لیلا بھنسالی پر حملے اور تشدد پر شدید غم وغصے کا اظہار کرتے ہوئے کہا کہ کرنی سینا پر شرم آتی ہے اور آپ کی وجہ سے ہی مجھے اپنے راجپوت ہونے پر شرم آرہی ہے ، کرن جوہر کا ٹوئٹ میں کہنا تھا کہ سنجے لیلا کیساتھ جو ہوا اس سے ناخوش ہوں اور اسے بھول نہیں پارہا ہوں لیکن اب متحد ہونے کا وقت آگیا ہے جبکہ ریتک روشن کا کہنا تھا بھنسالی سرمیں آپکے ساتھ کھڑا ہوں۔ اور یہ سب غضبناک ہے۔ہدایتکار و اداکار فرحان اختر نے ٹوئٹ پر کہا کہ فلم نگری کے ساتھیوں اگربار بار ڈرانے دھمکانے کے واقعات کیخلاف اب بھی ایک نہیں ہوئے توحالات مزید بد تر ہوجائینگے۔
