لاہور(شوبز ڈیسک)استاد نصرت فتح علی خان کی مشہور قوالی میرے رشک قمر کو ری مکس کرکے ریلیز کرنے کے لئے تین گلوکاروں میں میچ پڑ گیا۔ گلوکارہ حدیقہ کیانی ، رابی پیرزادہ اور گلوکار وموسیقار علی بدرمیاندادمذکورہ قوالی کو ری مکس کرکے آڈیو اورویڈیو بنا رہے ہیں۔ بتایاگیاہے کہ گلوکارہ حدیقہ کیانی اور رابی پیرزادہ نے اسے گیت کی صورت میں بنایا ہے۔ گلوکارہ حدیقہ کیانی نے چند روز قبل اندرون شہر یوسف صلاح الدین کی حویلی میں ویڈیو بھی شوٹ کرلیا،رابی پیرزادہ نے آڈیو ریکارڈ کرلیااوروہ ویڈیو ریکارڈنگ کی تیاریاں کر رہی ہیں۔علی بدرمیانداد اسے قوالی کے انداز میں ری مکس کرکے آڈیو ویڈیو ریکارڈکررہے ہیں۔
