سوچ بینڈایک بار پھر سوشل میڈیا کی زینت بن گیا …. نئی ویڈیو میں خواجہ سرا کی حیرت انگیزانٹری

کراچی(ویب ڈیسک ) سوچ نامی بینڈ ایک بار پھر خبروں کی زینت بن رہا ہے اور اس کا سبب ان کی نئی میوزک ویڈیو ڈھول میں ماڈلنگ کے لیے خواجہ سرا رمل علی کا انتخاب ہے۔سوچ بینڈ کی جانب سے اس سے قبل بھی بالی وڈ کی فلم ایک ولن کا گانا آوارگی تیار کیا گیاتھا، یہ گانا مومنہ مستحسن نے گایا تھا جو بہت مشہور ہوا اور اب سوچ بینڈ کی جانب سے نیا گاناریلیز کیا گیا ہے ، جس میں خواجہ سرا رمل علی نے ماڈلنگ کی ہے ۔رمل علی پاکستان کی پہلی خواجہ سرا اداکارہ ہیں، رمل علی ’ڈھولنا ‘ گانے میں بہت خوبصورت نظر آرہی ہیں۔ گانے کی عکس بندی بہت عمدہ ہے اور آرٹ ڈائریکشن ہالی وڈ فلم ’انٹر دی وائڈ ‘ کی طرز پر کی گئی ہے۔گانے میں رمل علی ایک پیشہ ورکا کردار ادا کررہی ہیں جو کہ اپنے کلا ئنٹ کےلئے روز نئے سوانگ بھرتی ہے ‘ کبھی اسکول گرل تو کبھی مغل کنیز۔ اپنے آپ کو یکسر تبدیل کر لیتی ہے اور ان کے معیار پر پورا اترنے کی بھرپور کوشش کرتی ہے ، وہ روزانہ خود کو تبدیل کرکے پیش کرتی ہے۔گانے کے آخر میںدیکھا جاسکتا ہے کہ اس کے پاس دولت کی ریل پیل ہوتی ہے تاہم اس کی آنکھیں آنسوﺅں سے بھری ہوتی ہیں۔اس ویڈیو کے ذریعے عوام الناس کو پیغام دیا گیا ہے کہ خواجہ سرا خوشی سے عصمت فروشی نہیں کرتے ہیںبلکہ مجبوریاں ان سے یہ سب کرواتی ہیں۔