ممبئی (خصوصی رپورٹ) بالی ووڈ اداکارہ ایمی جیکسن کا کہنا ہے کہ سلمان خان کے ساتھ کام کرنا ان کا خواب ہے۔بھارتی ذرائع ابلاغ کے مطابق سلمان خان کی ”دبنگ 3 “کے لئے ایمی جیکسن کے بارے میں اطلاعات سرگرم ہیں۔ اپنے ایک بیان میںایمی جیکسن نے کہا کہ سلمان خان کے ساتھ کام کرنا کسی کا بھی خواب ہوتا ہے۔انہوں نے کہا کہ ان کے ساتھ اپنی پہلی فلم کرنے کا موقع مصروف شیڈول کی وجہ سے گنوا دیا۔اس سے پہلے سلمان خان پروڈکشنز کی فلم ”فریکی علی“ کی ہیروئن بھی ایمی جیکسن ہی تھیں، اور اس فلم کے پروموشن کے دوران دونوں میں کافی دوستی ہوئی۔ایمی جیکسن اکشے کمار اور رجنی کانت کی فلم میں بھی نظر آئیں گی۔اس فلم کے ٹریلر لانچ میں سلمان خان نے آکر سب کو حیران کردیاتھا۔
