ممبئی(شوبز ڈیسک) بالی وڈ کی شوخ و چنچل اداکارہ انوشکا شرما کی بالی وڈ فلم ”پھلوری“ کا نیا ٹریلر جاری کر دیا گیا۔ فلم ایک ایسے نوجوان کی کہانی ہے جو غلطی سے شادی کر کے ایک بھوتنی کے چنگل میں پھنس جاتا ہے۔ فلم میں انوشکا شرما کے ساتھ اداکار دلجیت دوسانج، سورج شرما اور مہرین پیر زادہ اہم کردار کرتے نظر آئیں گی۔اس فلم کی ہدایات انشائی لال دے رہے ہیں، جبکہ فاکس اسٹار سٹوڈیوز اور انوشکا شرما کی کمپنی کلین سلیٹ فلمز اس کی مشترکہ پروڈکشن کررہی ہے۔خیال رہے کہ انوشکا شرما کی پروڈکشن میں بننے والی پہلی فلم ‘این ایچ 10’ 2015 میں ریلیز ہوئی تھی جسے تجزیہ کاروں کا مثبت ردعمل موصول ہوا تھا، اس فلم میں بھی انوشکا نے مرکزی کردار ادا کیا تھا۔مزاح سے بھرپور فلم 24 مارچ کو سینما گھروں کی زینت بنے گی۔
